Visita de control en A Coruña

Este mércores tocou outra revísión médica do trasplante en A Coruña. No inverno ou con mal tempo saímos de vispera, xa que o tempo pode ser malo, a máis de ser os días curtos. Efectivamente nesta ocasión tocou o temporal que azotou a Galicia e pegou forte nalgúns momentos.

A foto é o mércores pola tarde e xa calmara o temporal.

Estas visitas, na que pasamos toda a maña no Hospital Juan Canalejo (supoño que lle terán que cambiar o nome), e nas longas esperas intercambiamos opinións entre os trasplantados. Nesta ocasión estabamos 1 de Vigo de pouco máis de medio ano, outro de Coruña, máis ou menos o mesmo tempo, unha señora de Caldas de Reis (11 anos de trasplante), e un home de Quiroga (13 anos trasplantado). A relación cos ‘compañeiros’ é curiosa. Era a primeira vez que os coñecía, pero compartimos: medicación, tipo de vida, agradecemento ós donantes e ó equipo médico,.... e outras máis. Hai un apoio e comprensión superior ó de outras esperas en similares situacións. Formamos o que chamo a Asociación de Enfermos Crónicos, na que nos apoiamos sicolóxica e anímicamente.

A relación coa Doctora P. e coa enfermeira C.N. despois de dous anos empeza a estar por riba da relación normal, sobre todo con C.N. unha magnífica persoa e unha gran traballadora. Tamén a Doctora, pero o status da súa profesión parece dominar sobre a relación.
Noutra web xa teño escritos os agradecementos, que traerei para este blog. Esto lémbrame a folga dos médicos pola dedicación exclusiva (os que teñen privada queren cobrar o complemento igual que os que non a teñen), xa que esta doctora fai un horario na que a ves case todo o día (mañá e tarde).